Vier's Vastelaovend

Tekst: Ine van der Heyden, Wim Kemp en Etty Willemse Kemp 
Composietie: Wim Kemp en Etty Willemse Kemp


1e Couplet
'ch Höb las van miene bubbel, 't duujt mich dao en hie
Op aafsjtand zeen ich döbbel, bön ich waal virus-vrie
Dus ich maar nao de dokter dan, en dit is waat hae zoog:
"'t Zit tösse de ore man, gank nao 'ne psycholoog!"
Maar wie ich langs de balie leep, verwiesbreef oppe tes
Is waat de assistente reep: "Ich gaef dich deze les!":

Refrein
Vier 's hie, vier 's dao, vier 's veur, vier 's nao, vier 's vastelaovend!
Vier 's vreug, vier 's laat, vier 's dreug, vier 's naat, vier 's vastelaovend!
Vier 's good, vier 's fout, vier 's braaf, vier 's sjtout, vier 's vastelaovend!
Vier 's krómp, vier 's rech, vier 's toes, vier 's weg, vier 's vastelaovend!

2e  Couplet
'ch Höb oere ligke praote, gezag waat ich mankeer
Gein' maeter opgesjaote, laot sjtaon 'ne halve meer
De psycholoog vónj d'r get van, hae vónj 't maar gezeur
"Noe doot toch neet zo moeilik man, dao höbs se pilkes veur!"
Maar wie ich langs de balie leep, de pilkes oppe tes
Is waat de assistente reep: "Ich gaef dich deze les!":

Refrein
Vier 's hie, vier 's dao, vier 's veur, vier 's nao, vier 's vastelaovend!
Vier 's vreug, vier 's laat, vier 's dreug, vier 's naat, vier 's vastelaovend!
Vier 's good, vier 's fout, vier 's braaf, vier 's sjtout, vier 's vastelaovend!
Vier 's krómp, vier 's rech, vier 's toes, vier 's weg, vier 's vastelaovend!

Modulatie:
Vier 's hie, vier 's dao, vier 's veur, vier 's nao, vier 's vastelaovend!        (instrumentaal)
Vier 's vreug, vier 's laat, vier 's dreug, vier 's naat, vier 's vastelaovend!    (instrumentaal)
Vier 's good, vier 's fout, vier 's braaf, vier 's sjtout, vier 's vastelaovend!
Vier 's krómp, vier 's rech, vier 's toes, vier 's weg, vier 's vastelaovend!
Vier 's krómp, vier 's rech, vier 's toes, vier 's weg! ……………
Vier 's vastelaovend!