Remunj a gogo
't Is weer zo wied
Tekst: Jan Huyskens
Meziek: Adrien Mares (Le Gamin de Paris)
't Is weer zo wied, doe veuls 't van binne
't Waert sjtilaan tied, noe geit 't beginne
Nog effekes luuj, dan kump weer opnuuj eine vastelaovend
't Hink in de lóch, doe veuls al van alles
Doe wits al genóg, es det 't geval is
En heur wie 't klink es ederein zink: "Vastelaovend"
Haol noe de möts oet de doos, jóng
Zeuk weer ins alles bie-ein
Sjtrakkes dan geit 't weer loos, jóng
Dan is Remunj ech te klein.
Wits se nog wie sjoon 't waas
Tekst: Harry Bonné
Meziek: Harry Bonné
Couplet
Veer lepe nog es kienjer, same aan de vingers
Euver 't paedje, euver de brök, euveral waas jónk gelök
Veer höbbe dao gezaete, de hele waereld vergaete
En heel döks dink ich trök, aan 't begin van ós gelök
Refrein
Wits se nog wie sjoon 't waas, aan Meneerkes in 't graas
't Waas eine sjone droum, dao bie dae dieke beukeboum
Wits se nog wie sjoon 't waas, aan Meneerkes in 't graas
't Waas eine sjone tied, maar dae zeen veer kwiet
De Munsterpleinwals
Tekst: Gerda van Vlodrop - Schumacher
Meziek: Gerda van Vlodrop - Schumacher
Couplet
Remunj, stedje van al mien druime
Doe zits mich zo deep in mien hert
Mit al dien historische plekskes
De Wal en de Sjteeg en de Mert
Maar ein plekske geit nooit nieks baove
Gein plekske det is d'r zo fijn
Det ligk zo in 't midde van 't sjtedje
Mien aad Munsterplein
Refrein
En al op det Munsterplein
Dao sjteit ein nuuj fontein
Ein pómp, maar det is bluf
Die gaar gein water guf
Ein Kuupersmonument
En ouch ein frietetent
Zo sjteit dao van alles bie-ein
Dao op det Munsterplein
Waat zaes se
Traditional
Waat zaes se, waat zaes se
Waem had det van Remunj gedach
En waat zaes se, waat zaes se
Det van ós Remunj
