Maak Aope
Tekst: Wim Kemp
Composietie: Wim Kemp
1e couplet:
Mit vastelaovend, sjoon verkleid, op waeg nao mien keffee
Maar aan de deur, de klink in de handj, zeen ich dao ein miensezee
Aanein geplek, en mit de naas, taege 't glaas van de roete
En óngertösse hange ze ouch, mit allebei de bein nao boete
Ich kin duje waat ich wil, die deur krieg ich neet aope
Dan roop ich "Estebleef, ich kin toch neet hie boete sjlaope…."
Refrein:
Oerelang sjtaon ich hie al te wachte, maak aope maak aope
Mót ich hie veur die deur euvernachte, maak aope leve sjat
Doe kins mich toch neet boete laote, maak aope, maak aope
Zo brings se mich in alle sjtaote, maak aope leve sjat
2e couplet:
Mit väöl confetti, in de haor, zo sjlinger ich nao hoes
Deep in de nach, waert op mich gewach, miene sjat blief altied toes
En eindelik dan veur mien deur, jóng waat is det ein gefreutel
Waal bónne, muntje deep in mien tes, maar nörges veul ich eine sjleutel
Ich kin duje waat ich wil, die deur krieg ich neet aope
Dan roop ich "Estebleef, ich kin toch neet hie boete sjlaope…."
