Vastelaovescarrousel

Tekst: Etty en Peter Willemse Kemp, Wim Kemp 
Composietie: G. Capaldo en V. Fassone


Refrein:

sjpring ich weer in dae carrousel
van kloons, pirate en duvels
allemaol gaon v’r in ’t róndj
ich zeen ‘t neet meer zuver
maar nieks is mich noe te dol
ich haaj ’t nog heel lang vol
dae kermis zuus se euveral
dees daag is ‘t carnaval

Eerste couplet:
de daag van giester sjleit nog väöle oere
de echo van ’t fees klink wie meziek
ich dreij van kop toet teen op volle toere
ich veul mich mit dees daag de prins te riek
en as ich dae bóntje kermis zeen, dan sjpring ich...

Tweede couplet:
de daag is lank en haet nog väöle oere
ich sjlinger mit d’n optoch door de sjtad
’t laeve is ein fees mit väöl l’amoure
ich bön versjlingerd aan mien’ leefste sjat
maar as ich dae bóntje kermis zeen, dan sjpring ich...

Derde couplet:
de daag geit door toet in de kleine oere
de polonaise hilt mich oppe bein
de letste dans dae kint neet lang meer doere
de uigskes waere lankzaam heel erg klein
maar as ich dae bóntje kermis zeen, dan sjpring ich...