De roje draod
Tekst: Bart Willemse
Composietie: Wim Kemp en Etty Willemse Kemp
Refrein:
De roje draod in mien laeve det bös dich
Want doe deils jaor in jaor oet leef en leid mit mich
De roje draod in mien laeve det bös dich
Maar 't inj kump noe langkzaam in zich
Doe ruuks ein bietje muf, bös hie en dao get wied
Toet oppe draod versjlete, maar ich wil dich ech neet kwiet
De roje draod in mien laeve det bös dich
Maar 't inj kump noe langkzaam in zich
Laatste refrein:
De roje draod in mien laeve det bös dich
Want doe deils jaor in jaor oet leef en leid mit mich
De roje draod in mien laeve det bös dich
En 't inj kump nog lang neet in zich
Doe ruuks ein bietje muf, bös hie en dao get wied
Toet oppe draod versjlete, maar ich wil dich ech neet kwiet
De roje draod in mien laeve det bös dich
En 't inj kump nog lang neet in zich
Eerste couplet:
"t is zo wied, 't is weer tied, ich kiek ins in de kas
Ich griep nao miene aje jas en veul of hae nog pas
Maar waat ein gapend gaat dao in, ich zit in zak en as
Waat mot ich noe toch mit dae vastelaovesjas ?
Ich raak finaal de draod kwiet, ich sjreef 't van 't daak
Ich kin de draod neet vinje, wie krieg ich 'm gemaak ?
Veurdet ich 'm noe weggooi in dees grote voelnistas
Zing ich nog ein hommaasj aan miene vastelaovesjas:
Tweede couplet:
Wie pak ich noe de draod weer op, ich weit mich geine raod
De aje vastelaovesjas dae sjteit al aan de sjtraot
Ich zegk taege mien leefste leef, noe bön ich ech de klos
En het zaet taege mich "doe höbs ein dräödje los"
Gelök hingk aan'ne zieje draod, want waat ich dao toch zoog
Dao sjteit mien leef, hilt in zien handj 't gare al omhoog
De vastelaovend is gered, want miene jas dae bleef
En ich zing ein hommaasj aan dich, mien allerleefste leef:
