Geknip veur Vastelaovend
Tekst: Wim Kemp en Etty Willemse Kemp
Composietie: Wim Kemp
Couplet 1:
Mit kwas en mit sjeer geit d'r eder jaor weer tekeer
Zo ouch vandaag, mit mien köpke aan de sjlaag
Zónger gezeur, guf miene kwafeur, aan mien häörkes kleur
Mit ein grimas zaet d'r vol sjpas: dit kump dich good van pas
Dreij dich maar efkes óm en kiek ins in de sjpegel
Zo knip ich de luuj, mit vastelaovend in de regel
Ich kiek 'm aan, en vraog 'm dan
Waat vinjs se hie noe zellef van????
Refrein
Is det normaal - de's neet normaal
Ein groot sjandaal - juus geniaal
Ich bön totaal verknip, jaowaal - nae, doe bös heel speciaal
Ich bön totaal versjangeleerd - maar det is gaar oet neet verkeerd
Ich bön totaal verknip, alweer - kwaam door die sjeer
Drie daag bön ich totaal verknip, vier vastelaovend oetgeflip
Geschmink, gesjaore en verkleijd, totaal verknip, waat mich good sjteit
Want bös se éch totaal verknip, dan bös se helemaol geknip
Dan bös se helemaol geknip veur vastelaovend
Couplet 2:
Mit naoldj en mit draod nump 't eder jaor mich de maot
Heel oetgebreid, kiek mien neijster of 't pekske sjteit
Pak dan de sjeer, geit daomit te keer, op 't-heilig óngeveer
Mit ein grimas zaet 't vol sjpas: dit kump dich good van pas
Dreij dich maar efkes óm, en kiek ins in de sjpegel
Zo knip ich de luuj, mit vastelaovend in de regel
Ich kiek 'm aan en vraog 'm dan
Waat vinjs se hie noe zellef van????
Refrein
Refrein (Modulatie)
Is det nor maal - de's neet normaal
Ein groot sjandaal - juus geniaal
Ich bön totaal verknip, jaowaal - nae, doe bös heel speciaal
Ich bön totaal versjangeleerd - maar det is gaar oet neet verkeerd
Ich bön totaal verknip, alweer - kwaam door die sjeer
Drie daag bön ich totaal verknip, vier vastelaovend oetgeflip
Geschmink, gesjaore en verkleijd, totaal verknip, waat mich good sjteit
Want bös se éch totaal verknip, dan bös se helemaol geknip
Dan bös se helemaol geknip veur vastelaovend
Dan bös se helemaol - dan bös se HE-LE-MAOL
Dan bös se helemaol geknip veur vastelaovend
