De Mach van de Lach
Tekst: Wim Kemp
Composietie: Wim Kemp
Couplet 1:
Veer höbbe weer ein gans jaor heel gedöldig gewach
Op dae daag, dae sjone daag, van de sjleuteleuverdrach
De Prins is noe de man dae 't veur 't zaegke haet
En dae zörg det ich mien zörg vergaet
Hae haet de mach en haet daoveur get sjoons bedach:
Hae regeert dees daag allein mit ziene sjaterlach
Tössezin:
Toet vastelaovend middernach behilt de lach dich in zien mach
Hae zorg veur:
Refrein:
Kuulkes in de wange
En ouch traone in de ouge
(Here) Doe kriegs vanzelf rooj eurkes
En det buukske sjoegelt op en neer
(Dames) Jong bleumkes die gaon giechele
Doe duis 't in de bóks
Det is de vastelaoveskrach: de mach van oze lach
Couplet 2:
Mien ganse laeve lang höb ich gaer moppe getap
Aaf en toe kump ouch waal ins ein goje sjuunse grap
Al in de weeg verklaorde ich as jonge sjproet:
" 'ch gaon neet janke, 'ch lach uch lekker oet
Ich waer vanzellef groot, det doon ich lachenderwies
Ich blief láche ouch al bön ich later aad en gries"
Tössezin:
Waers se in Limburg grootgebrach, behilt de lach dich in zien mach
Hae zorg veur:
Refrein:
Refrein:
Interlude:
Dae sjone lach, op ós gezich, waem haet det ooit bedach?
In volle prach, soms ónverwach, versjient dae sjone lach
Hae zorg veur:
Refrein:
