Nieks meer aan doon
Tekst: Wim Kemp en Etty Willemse Kemp, Ine van der Heyden
Composietie: Wim Kemp en Etty Willemse Kemp
Refrein:
Zo vier ich vastelaovend ouch al val ich oet de toon Nieks nieks nieks meer aan doon
Loup ich in de optoch mit mien aafgetrapte sjoon Nieks nieks nieks meer aan doon
Zing ich miene sjlager, krakend in de microfoon Nieks nieks nieks meer aan doon
Nondepie, waat bön ich blie det ich in Limburg woon Nieks meer aan doon
Good is good, 't hoof neet ech perfek
Ich sjtaon mesjien 'n bietje veur gek, maar ich zègk Nieks meer aan doon
Alles waat ich noe nog zègk det maak 't minder sjoon
1e couplet
Mien vrunj höbbe mich zomaar in ein prinsepak gehese
't Geldj is op, de kas is laeg, dus ich höb nieks te keze
Moewe te kort, 't jeske krieg ich bienao neet gesjlaote
't Sjpant oppe boek. En dae maillot! Ich höb gans anger maote
En as ich mich dan zellef zo bekiek…
't is ermooj troef, maar toch veul ich mich riek
Refrein
2e couplet
En mit mien adjudante maak ich ouch ein prinseleedje
Nao get glaeskes beer óntsjteit zowaar 'n klein ideetje
Oerelang sjtechelend, euver de wäörd gebaoge
't Is allemaol kwatsj, en sjamel, maar d'r is nieks aan gelaoge
En as ich dan det leedje zo bekiek…
't is ermooj troef, maar toch veul ich mich riek
Refrein
Zo…zo…zo…zo…
Refrein mit modulatie en aafsloetend:
Daoróm noe nog eine keer: …..Nieks meer aan doon
