Sjtrek dien vleugels oet , mien sjtad Remunj
Tekst: Wim Kemp
Composietie: Wim Kemp
Refrein:
Sjtrek dien vleugels oet , mien sjtad Remunj
Laot dich zeen, laot zeen, waat is van dich gewaore
Sjtrek dien vleugels oet, mien sjtad Remunj
Doe bös in volle prach opnuuj gebaore
Sjtrek dien vleugels oet mien sjtad Remunj
Naem mich mit en vleeg mich nao de zón
Alle wermte die ich krieg, sjtraol ich oet, nao
dich mien sjtad
Doe höbs mien laeve in kleur gebrach
Alle wermte die ich krieg, sjtraol ich oet, nao dich mien sjtad
Doe höbs mien laeve in kleur gebrach
1e couplet:
Loup ich door de binnesjtad, gaon hóngerd jaor veurbie
De tied van vreuger is d'r nog, hae sjteit hie aan mien zie
Sjtatig kiek Christjoffel nao zien sjtad, aan Roer en Maas
Zien sjtad die sjteit opnuuj in bleuj, zo wie 't vreuger waas
Doe waas, en bös en bliefs 't hert van Limburg veur altied
Mien allerleefste sjtad Remunj, ich wil dich nooit meer kwiet
2e couplet
Loup ich boete óm de sjtad, zeen ich ein sjtad die laef
Ómermp door water en natuur, de lóch wo ich óm gaef
Ein sjtad, ein toes, veur ederein, en alle luuj geliek
De ganse waereld in Remunj, mit väöl culture riek
Doe waas, en bös en bliefs 't hert van Limburg veur altied
Mien allerleefste sjtad Remunj, ich wil dich nooit meer kwiet
