Waem bös doe
Tekst: Etty en Peter Willemse Kemp, Wim Kemp
Composietie: Wim Kemp
Refrein:
Waem bös doe, waem bös doe, waem bös doe leve sjat?
Höb ich dich vanaovend al in mien erm gehad?
Ich vraog dich: waem bös doe, en bös se al bezat?
Ich weit neet wo se woons want doe kals gans angers plat
Waat jaomer noe, ich kin dich neet toes bringe sjat!
Eerste couplet:
De klok sjloog vastelaovend, 't waas tied óm oet te gaon
Toen zoog ich dao det kleunke en ging dichbie 'm sjtaon
't Waerde heel gezellig, ging door toet in de nach
Maar wie det al nao hoes wól, toen höb ich 'm gezag:
Tweede couplet:
Ich kreeg d'r gein genóg van, bön oere doorgegaon
Toen kwaam dae van de pliesie en dae zag "'t Is gedaon!"
De zaak die geit hie sjloete, de kastelein dae wach!"
Hae leep mit mich nao boete, toen höb ich 'm gezag:
Derde couplet:
Toes zoog ich in de gank eine oetgeloupe kloon
Dae kwaam mich heel bekind veur, jao ich kós dae persoon
Veer keke in ós ouge, dao kwaam dezelfde lach
Ich zoog 'm in de sjpegel, toen höb ich 'm gezag:
